2015 جىلعى 24 اقپان, استانا قالاسى
«دەنساۋلىق ساقتاۋ وبەكتىلەرىنە قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 144-بابىنىڭ 6-تارماعىنا سايكەس بۇيىرامىن:
1. قوسا بەرىلىپ وتىرعان «دەنساۋلىق ساقتاۋ وبەكتىلەرىنە قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارى بەكىتىلسىن.
2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ رەسمي ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ۇلتتىق ەكونوميكا ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇننەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ۇلتتىق ەكونوميكا ءمينيسترىنىڭ م.ا. م.قۇسايىنوۆ
«كەلىسىلگەن»
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى
___________ ت. دۇيسەنوۆا
2015 جىلعى « »
«كەلىسىلگەن»
قازاقستان رەسپۋبليكاسىنىڭ ەنەرگەتيكا ءمينيسترى
___________ ۆ. شكولنيك
2015 جىلعى « »
قازاقستان رەسپۋبليكاسىنىڭ ۇلتتىق ەكونوميكا ءمينيسترى مىندەتىن اتقارۋشىسىنىڭ
2015 جىلعى 24 اقپانداعى № 127 بۇيرىعىمەن بەكىتىلگەن
«دەنساۋلىق ساقتاۋ وبەكتىلەرىنە قويىلاتىن
سانيتاريالىق-ەپيدەميولوگيالىق تالاپتار» سانيتاريالىق قاعيدالارى
1. جالپى ەرەجەلەر
1. وسى «دەنساۋلىق ساقتاۋ وبەكتىلەرىنە قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارى (بۇدان ءارى – سانيتاريالىق قاعيدالار) دەنساۋلىق ساقتاۋ وبەكتىلەرىنە قويىلاتىن سانيتاريالىق-ەپيدەميولوگيالىق تالاپتاردى بەلگىلەيدى.
2. وسى سانيتاريالىق قاعيدالار:
1) ءۇي-جايلاردى جانە جابدىقتاردى كۇتىپ-ۇستاۋ;
2) مەديتسينالىق قالدىقتاردى جيناۋ, زالالسىزداندىرۋ, تاسىمالداۋ, ساقتاۋ جانە كومۋ;
3) ناۋقاستاردى تاماقتاندىرۋدى ۇيىمداستىرۋ, سونداي-اق مەديتسينا پەرسونالىنىڭ ەڭبەك جاعدايلارى;
4) مەديتسينالىق ماقساتتاعى بۇيىمداردى ستەريلدەۋ جانە دەزينفەكتسيالاۋدى جۇرگىزۋ;
5) سانيتاريالىق-ەپيدەمياعا قارسى (پروفيلاكتيكالىق) ءىس-شارالاردى ۇيىمداستىرۋ جانە جۇرگىزۋ كەزىندە دەنساۋلىق ساقتاۋ وبەكتىلەرىنە قويىلاتىن سانيتاريالىق-ەپيدەميولوگيالىق تالاپتاردى قامتيدى.
3. وسى سانيتاريالىق قاعيدالاردا مىناداي ۇعىمدار پايدالانىلادى:
1) امبۋلاتوريالىق-ەمحانالىق كومەك كورسەتەتىن مەديتسينالىق ۇيىم – سىرقاتتانۋشىلىقتىڭ الدىن الۋ جانە ونى تومەندەتۋ, ناۋقاستاردى انىقتاۋ, اۋرۋحاناعا جاتقىزۋ, ناۋقاستاردى ستاتسيونارلىق قاداعالاۋمەن, تەكسەرۋمەن, ەمدەۋمەن جانە وقشاۋلاۋمەن بايلانىستى ەمەس بىلىكتى مەديتسينالىق كومەك كورسەتۋ بويىنشا پروفيلاكتيكالىق قىزمەتتى جۇزەگە اسىراتىن شارۋاشىلىق ەتۋشى دەنساۋلىق ساقتاۋ سۋبەكتىلەرى;
2) انتيسەپتيك – ميكروبتاردى جويۋ ماقساتىندا تەرىگە نەمەسە تىنگە قولدانۋعا ارنالعان ميكروبقا قارسى حيميالىق اگەنت;
3) انتيسەپتيكا – ەمدەۋدى قامتاماسىز ەتۋ جانە ينفەكتسيالىق ۇدەرىستىڭ دامۋىنىڭ الدىن الۋ ماقساتىندا تەرىدەگى, شىرىشتى قابىقشالارداعى, جارالار مەن قۋىستارداعى الەۋەتتى قاۋىپتى ميكروورگانيزمدەردىڭ تىرشىلىك ەتۋىنە بوگەت جاساۋ نەمەسە جويۋ تاسىلدەرىنىڭ جيىنتىعى;
4) اسەپتيكالىق بولىمشە – ناۋقاستا ءىرىڭدى ينفەكتسيا بولماعاندا مەديتسينالىق كومەك كورسەتۋگە ارنالعان ءۇي-جايلار;
5) اسەپتيكالىق رەجيم – ميكروبتاردىڭ جاراعا ءتۇسۋىنىڭ الدىن الاتىن سانيتاريالىق-تەحنيكالىق جانە سانيتاريالىق-گيگيەنالىق ءىس-شارالار كەشەنى;
6) بوكس – سىرتتان ناۋقاس كەلىپ تۇسۋىنە ارنالعان, جەكە ەسىگى بار ءۇي-جاي. ونىڭ قۇرامىنا: پالاتا, سانيتاريالىق توراپ, ۆاننا جانە شليۋز كىرەدى;
7) دەنساۋلىق ساقتاۋ وبەكتىلەرى – دەنساۋلىق ساقتاۋ ۇيىمدارى وزدەرىنىڭ قىزمەتىن جۇزەگە اسىراتىن وبەكتىلەر جانە دەنساۋلىق ساقتاۋ سالاسىندا مەديتسينالىق پراكتيكامەن اينالىساتىن جەكە تۇلعالار;
8) جەكە بوساندىرۋ پالاتاسى نەمەسە بىرگە بولۋ پالاتاسى – بوساناتىن ءبىر ايەلدى بوساندىرۋعا ارنالعان, سانيتاريالىق تورابى بار, بوسانعان ايەل جاڭا تۋعان نارەستەسىمەن ستاتسيوناردان شىققانعا دەيىن بولاتىن, جابدىقتالعان ءۇي-جاي;
9) جىلجىمالى مەديتسينالىق وبەكت – ارنايى مەديتسينالىق جابدىق ورناتىلعان, دارىگەر مامانداردىڭ كابينەتتەرى بار كولىك قۇرالدارى (اۆتوموبيل, تەمىرجول, تەڭىز, وزەن) بازاسىندا ورنالاسقان ۇتقىر كونسۋلتاتسيالىق-دياگنوستيكالىق دەنساۋلىق ساقتاۋ وبەكتىسى;
10) زالالسىزداندىرۋدىڭ ارنايى قۇرىلعىسى – ورتەۋدى, ۇساقتايتىن اۆتوكلاۆيرلەۋدى, قىسقا تولقىندى وڭدەۋدى, پلازمالىق وڭدەۋدى, حيميالىق ىقپال ەتۋدى جانە/نەمەسە باسقا ادىستەردى پايدالاناتىن, مەديتسينالىق قالدىقتاردى زالالسىزداندىرۋعا ارنالعان جابدىق.
11) قالدىقتاردى زالالسىزداندىرۋ – قالدىقتاردىڭ قاۋىپتى قاسيەتتەرىن مەحانيكالىق, فيزيكالىق-حيميالىق جانە بيولوگيالىق وڭدەۋ جولىمەن ازايتۋ نەمەسە جويۋ;
12) قاۋىپتى ەمەس قالدىقتار – قاۋىپتى قاسيەتتەرگە يە ەمەس قالدىقتار – ا سىنىبى;
13) مەديتسينالىق قالدىقتار – مەديتسينالىق قىزمەتتەر كورسەتۋ جانە مەديتسينالىق ماپيپۋلياتسيالار جۇرگىزۋ ۇدەرىسىندە پايدا بولاتىن قالدىقتار;
14) مەديتسينالىق قالدىقتاردى قاۋىپسىز جيناۋعا جانە كادەگە جاراتۋعا ارنالعان كونتەينەر (بۇدان ءارى – قجكجك) – مەديتسينالىق قالدىقتاردى جيناۋعا جانە قاۋىپسىز كادەگە جاراتۋعا ارنالعان سۋ وتكىزبەيتىن جانە تەسىلمەيتىن, ءبىر رەت قولدانىلاتىن سىيىمدىلىقتار;
15) راديواكتيۆتى قالدىقتار – قۇرامىندا قازاقستان رەسپۋبليكاسىنىڭ اتوم ەنەرگياسىن پايدالانۋ سالاسىنداعى زاڭنامالارىمەن بەلگىلەنگەن, راديواكتيۆتى زاتتار ءۇشىن رەگلامەنتتەلگەن ماننەن اساتىن مولششەردە جانە كونتسەنتراتسيادا راديواكتيۆتى زاتتار بار قالدىقتار – د سىنىبى;
16) سانيتاريالىق-ەپيدەمياعا قارسى رەجيم – دەنساۋلىق ساقتاۋ وبەكتىلەرىندە ينفەكتسيالىق جانە پارازيتتىك اۋرۋلاردىڭ الدىن الۋ جانە تاراتىلۋى جونىندەگى ءىس-شارالار كەشەنى;
17) سەرىكتەستىك بوساندىرۋ – بوساناتىن ايەلگە جاقىن ادامداردىڭ بوسانۋ بارىسىندا بىرگە بولۋى جانە قاتىسۋى;
18) توكسيكولوگيالىق قاۋىپتى قالدىقتار – پايدالانۋعا جاتپايتىن قالدىقتار (دارىلىك, ونىڭ ىشىندە تسيتوستاتيكتەر, دياگنوستيكالىق, دەزينفەكتسيالاۋ قۇرالدارى), قۇرامىندا سىناپ بار زاتتار, اسپاپتار مەن جابدىق, فارماتسەۆتيكالىق وندىرىستەردىڭ شيكىزاتتارى مەن ونىمدەرىنىڭ قالدىقتارى, جابدىقتى, كولىكتى, جارىقتاندىرۋ جۇيەلەرىن پايدالانۋ قالدىقتارى) – گ سىنىبى;
19) توتەنشە ەپيدەميولوگيالىق قاۋىپتى قالدىقتار – ينفەكتسيالىق اۋرۋلارمەن اۋىراتىن ناۋقاستارمەن جاناسقان, حالىقتىڭ سانيتاريالىق-ەپيدەميولوگيالىق سالاۋاتتىلىعى سالاسىندا توتەنشە جاعدايلاردىڭ پايدا بولۋىنا الىپ كەلۋى مۇمكىن جانە اۋماقتى سانيتاريالىق قورعاۋ بويىنشا ءىس-شارالاردى جۇرگىزۋدى تالاپ ەتەتىن ماتەريالدار, پاتوگەندىگى I-II توپتاردىڭ ميكروورگانيزمدەرىمەن جۇمىس ىستەيتىن زەرتحانالاردىڭ, فارماتسەۆتيكالىق جانە يممۋندىق بيولوگيالىق وندىرىستەردىڭ قالدىقتارى, فتيزياتريالىق ستاتسيونارلاردىڭ ەمدەۋ-دياگنوستيكالىق بولىمشەلەرىنىڭ قالدىقتارى, اناەروبتى ينفەكتسيالى پاتسيەنتتەردىڭ قالدىقتارى, تۋبەركۋلەز قوزدىرعىشتارىمەن جۇمىستى جۇزەگە اسىراتىن ميكروبيولوگيالىق زەرتحانالاردىڭ قالدىقتارى) – ۆ سىنىبى;
20) شليۋز – اۋانىڭ ءبىر ءۇي-جايدان ەكىنشىسىنە وتكىزبەيتىن جانە اۋانىڭ لاستانۋ دەڭگەيلەرى ءار ءتۇرلى ءۇي-جايلار اراسىندا ورنالاستىرىلعان سانيتاريالىق-تەحنيكالىق قۇرىلعىلارى (قول جۋعا ارنالعان راكوۆينا, اۋاۋنى زارارسىزداندىراتىن قۇرىلعى) بار ءۇي-جاي;
21) ەپيدەميولوگيالىق قاۋىپتى قالدىقتار – ينفەكتسيالانعان جانە الەۋەتتى ينفەكتسيالانعان قالدىقتار (قانمەن جانە باسقا دا بيولوگيالىق سۇيىقتىقتارمەن لاستانعان ماتەريالدار جانە اسپاپتار, زاتتار, پاتولوگواناتوميالىق قالدىقتار, ورگانيكالىق وپەراتسيالىق قالدىقتار: اعزالار, تىندەر, ينفەكتسيالىق بولىمشەلەردىڭ تاماق قالدىقتارى, پاتوگەندىگى III-IV توپتاردىڭ ميكروورگانيزمدەرىمەن جۇمىس ىستەيتىن ميكروبيولوگيالىق, كلينيكالىق-دياگنوستيكالىق زەرتحانالاردىڭ, فارماتسەۆتيكالىق, يممۋندىق بيولوگيالىق وندىرىستەردىڭ قالدىقتارى, ۆيۆاريلەردىڭ بيولوگيالىق قالدىقتارى, پايدالانۋعا جارامسىز ءتىرى ۆاكتسينالار) – ب سىنىبى;
2. دەنساۋلىق ساقتاۋ وبەكتىلەرىن پايدالانۋعا قويىلاتىن
سانيتاريالىق-ەپيدەميولوگيالىق تالاپتار
4. سانيتاريالىق-ەپيدەميولوگيالىق قورىتىندى بار بولعان جاعدايدا عانا دەنساۋلىق ساقتاۋ وبەكتىلەرى سالۋعا جەر ۋچاسكەسىن تاڭداۋعا, جوبالاۋعا, قايتا قۇرۋ, رەكونسترۋكتسيالاۋعا جانە پايدالانۋعا رۇقسات ەتىلەدى.
5. قۇرىلىستى جوبالاۋ كەزىندە توپىراعىندا ورگانيكالىق, حيميالىق, رادياتسيالىق سيپاتتاعى لاستانۋلارى بار, بۇرىن قوقىس ۇيىندىلەرىنە, اسسەنيزاتسيا القاپتارىنا, مال قورىمدارىنا, بەيىتتەرگە پايدالانىلعان اۋماقتارداعى جەر ۋچاسكەلەرىن بولۋگە جول بەرىلمەيدى.
6. دەنساۋلىق ساقتاۋ وبەكتىلەرى ونەركاسىپتىك جانە ازاماتتىق ماقساتتاعى وبەكتىلەردەن قاشىقتاعى تۇرعىن ءۇي سالىنعان اۋماقتاردا, كوكجەلەك نەمەسە قالا ماڭىنداعى ايماقتاردا وسى سانيتاريالىق قاعيدالاردىڭ تالاپتارىنا سايكەس ورنالاسۋى ءتيىس.
7. بولۋ رەجيمى ەرەكشە ناۋقاستارعا ارنالعان مامانداندىرىلعان دەنساۋلىق ساقتاۋ وبەكتىلەرىن (پسيحياتريالىق, تۋبەركۋلەزگە قارسى, ناركولوگيالىق) جانە ناۋقاستاردىڭ ۇزاق ۋاقىت بويى بولۋىنا ارنالعان قۋاتى 1000 توسەكتەن استام كەشەندەردى قالا ماڭىنداعى ايماققا نەمەسە شەتكەرى اۋداندارعا, مۇمكىندىگىنشە – قونىستانۋ اۋماعىنان كەمىندە 500 مەتر (بۇدان ءارى – م) قاشىقتىقتى ساقتاي وتىرىپ, جاسىل القاپتاردا ورنالاستىرۋ كەرەك.
8. دەنساۋلىق ساقتاۋ وبەكتىلەرىنىڭ اۋماعى ارقىلى ماگيسترالدىق ينجەنەرلىك كوممۋنيكاتسيالاردىڭ (سۋمەن جابدىقتاۋ, سۋ بۇرۋ, جىلۋمەن جابدىقتاۋ, ەلەكترمەن جابدىقتاۋ) وتۋىنە جول بەرىلمەيدى.
9. دەنساۋلىق ساقتاۋ وبەكتىلەرىنىڭ نەگىزگى جانە قوسالقى ءۇي-جايلارىنىڭ جيىنى مەن الاڭى جوبالاۋ تاپسىرماسىنا جانە قولدانىستاعى «ەمدەۋ-ساۋىقتىرۋ مەكەمەلەرى» قۇرىلىس نورمالارى مەن ەرەجەلەرىنە سايكەس بەلگىلەنەدى.
10. ءۇي-جايلاردىڭ قۇرىلىمى, جوسپارلانۋى جانە جابدىقتالۋى تەحنولوگيالىق پروتسەستەردىڭ اعىمدىلىعىن قامتاماسىز ەتەدى جانە ەپيدەميولوگيالىق قاۋىپتىلىك دارەجەسى ءارتۇرلى اعىمداردىڭ قيىلىسۋ مۇمكىندىگىن بولدىرمايدى.
11. سەلولىق ەلدى مەكەندەردە دارىگەرلىك امبۋلاتوريالاردى, فەلدشەرلىك-اكۋشەرلىك پۋنكتتەردى, مەديتسينالىق پۋنكتتەردى ءبىر نەمەسە بىرنەشە ەلدى مەكەندەرگە قىزمەت كورسەتەتىنىن ەسكەرە وتىرىپ, تۇرعىن ءۇي جانە قوعامدىق عيماراتتاردا ورنالاستىرۋعا جول بەرىلەدى. تۇرعىن ۇيلەرگە ورنالاستىرىلعان جاعدايدا دالادان كىرەتىن جەكە ەسىك قاراستىرىلۋى ءتيىس.
12. تۇرعىن ءۇي جانە قوعامدىق عيماراتتارعا, ولاردىڭ ىشىنە جانە جاپسارلاس سالىنعان ءۇي-جايلارعا جەكە كىرۋ ەسىگى بولعان جاعدايدا ينفەكتسيالىق اۋرۋلارمەن اۋىراتىن ناۋقاستارعا جانە الكوگولدىك جانە ەسىرتكىلىك تاۋەلدىلىككە تۇسكەن ادامدارعا قىزمەت كورسەتۋگە ارنالعانداردى قوسپاعاندا, قۋاتى اۋىسىمىنا 150 كەلۋشىدەن اسپايتىن امبۋلاتوريالىق-ەمحانالىق كومەك كورسەتەتىن, ونىڭ ىشىندە كۇندىزگى ستاتسيونارلارى (ەمدەلۋشىلەر 5 تاۋلىككە دەيىن بولاتىن) بار ۇيىمداردى, امبۋلاتوريالىق حيرۋرگيا ورتالىقتارىن ورنالاستىرۋعا جول بەرىلەدى.
13. تۇرعىن ءۇي جانە قوعامدىق عيماراتتاردا پاتسيەنتتەر تاۋلىك بويى بولاتىن ستاتسيونارلار, ميكروبيولوگيالىق (ۆيرۋسولوگيالىق, پارازيتولوگيالىق) زەرتحانالار, ماگنيتتىك-رەزونانستىق توموگرافيا بولىمشەلەرى ورنالاستىرىلمايدى.
14. ماگنيتتىك-رەزونانستىق توموگرافياعا ارنالعان ءۇي-جايدى جۇكتى ايەلدەرگە, بالالارعا جانە كارديولوگيالىق ناۋقاستارعا ارنالعان پالاتالارمەن كورشىلەس (كولدەنەڭ جانە تىگىنەن) ورنالاستىرۋعا جول بەرىلمەيدى.
15. عيماراتتاردىڭ تسوكولدىك جانە جەرتولە قاباتتارىندا ناۋقاستارعا ارنالعان قابىلداۋ جانە پالاتالىق بولىمشەلەر, ەلەكترلىك-جارىقپەن ەمدەۋ, بوساندىرۋ, وتا جاساۋ, بايلاپ-تاڭۋ, ەمشارا كابينەتتەرى, شەبەرحانالار, ۋلى, اسەرى كۇشتى, تەز تۇتاناتىن جانە جاناتىن سۇيىقتىقتار ساقتايتىن قويمالار ورنالاستىرىلمايدى.
رەنتگەن كابينەتتەرىنىڭ تۇرعىن ءۇي جانە پالاتا ءۇي-جايلارىنىڭ تىكەلەي استىڭعى قاباتىندا ورنالاسۋىنا جول بەرىلمەيدى.
16. قوعامدىق جانە تۇرعىن ءۇي عيماراتتارىنىڭ جەرتولە جانە تسوكولدىك قاباتتارىندا ستوماتولوگيالىق وبەكتىلەر ورنالاستىرىلمايدى.
17. بيىكتىگى ەكى قاباتتان اساتىن عيماراتتار ليفتىلەرمەن جابدىقتالادى. بۇل رەتتە «لاس» جانە «تازا» اعىنداردىڭ قيىلىسۋىنىڭ الدىن الۋ, ناۋقاستاردى, كەلۋشىلەردى تاسىمالداۋ, ناۋقاستارعا تاماق جەتكىزۋ ءۇشىن ليفتىلەردى «لاس دەپ ەسەپتەلەتىن» جانە «تازا دەپ ەسەپتەلەتىن» ليفتىلەر دەپ بەلگىلەگەن ءجون.
18. كوپ بەيىندى اۋرۋحانالاردىڭ قۇرامىنا كىرەتىن ينفەكتسيالىق, پسيحياتريالىق, تەرى-ۆەنەرولوگيالىق, تۋبەركۋلەزگە قارسى بولىمشەلەر بولەك تۇرعان عيماراتتارعا ورنالاستىرىلادى.
19. ينفەكتسيالىق جانە تۋبەركۋلەزگە قارسى بولىمشەلەردە كولىك كىرەتىن (ادام كىرەتىن) جەكە كىرەبەرىس جانە كولىكتى دەزينفەكتسيالاۋعا ارنالعان الاڭ جاسالادى.
20. وبەكتىلەردىڭ عيماراتتارى ورتالىقتاندىرىلعان سۋىق, ىستىق سۋمەن جابدىقتاۋ جانە كارىز جۇيەلەرىنە قوسىلادى.
21. ەلدى مەكەندە ورتالىقتاندىرىلعان سۋمەن جابدىقتاۋ جۇيەسى بولماعان جاعدايدا تاسىمالداناتىن سۋ نەمەسە سۋ وبەكتىلەرى قاۋىپسىزدىگىنىڭ سانيتاريالىق-ەپيدەميولوگيالىق تالاپتارىنا سايكەس كەلەتىن جەرگىلىكتى جۇيە قۇرىلعىسىنىڭ سۋى پايدالانىلادى.
22. دەنساۋلىق ساقتاۋ وبەكتىلەرىنىڭ پالاتالارىندا, كابينەتتەرىندە, اجەتحانالارىندا, ەمشارا بولمەلەرىندە, تاڭىپ-بايلاۋ, قوسالقى ءۇي-جايلارىندا ارالاستىرعىش ارقىلى ىستىق جانە سۋىق سۋ كەلتىرىلگەن راكوۆينالار ورناتىلادى.قۇرالدارعا وڭدەۋ جۇرگىزىلەتىن كابينەتتەردە قول جۋعا ارنالعان جەكە راكوۆينا جانە قۇرالداردى وڭدەۋگە ارنالعان جۋ ۇياشىعى كوزدەلەدى.
23. وپەراتسيا الدى, تاڭىپ-بايلاۋ, بوساندىرۋ زالدارى, رەانيماتسيا زالدارى, ەمشارا كابينەتتەرى, جاڭا تۋعان نارەستەلەر پالاتالارى جانىنداعى مەيiربيكەلەر پوستىلارى, حيرۋرگيالىق, گينەكولوگيالىق كابينەتتەر, بوكستار, جارتىلاي بوكستاردىڭ شليۋزدەرى, زەرتحانالار شىنتاق كراندارى قوندىرعىسى بار قولجۋعىشتارمەن, سۇيىق انتيسەپتيكالىق سابىنى مەن انتيسەپتيكتەر ەرىتىندىسى بار شىنتاق دوزاتورلارىمەن جابدىقتالادى.
24. انا مەن بالانى قورعاۋ ۇيىمدارىندا حيرۋرگيالىق جانە ينفەكتسيالىق ستاتسيونارلاردا ءاربىر بولىمشەگە كىرەبەرىستە قولدى وڭدەۋ ءۇشىن انتيسەپتىگى بار شىنتاق دوزاتورلارى ورناتىلادى.
مەديتسينا پەرسونالى قولدى وڭدەۋ ءۇشىن انتيسەپتىگى بار جەكە دوزاتورلاردى قوسىمشا پايدالانادى.
25. جاڭا تۋعان نارەستەلەر پالاتالارىندا بالالاردى جۋىندىرۋ ءۇشىن كەڭ توستاعانى بار جانە ارالاستىرعىش ارقىلى ىستىق جانە سۋىق سۋ كەلىپ تۇراتىن راكوۆينا ورناتىلادى.
26. ورتالىقتاندىرىلعان ىستىق سۋمەن جابدىقتاۋ بولماعان جاعدايدا, سانيتاريالىق وتكىزگىشتەردە, وپەراتسيا الدى جانە بوساندىرۋ زالدارىندا, ەمشارا, تاڭىپ-بايلاۋ, ەگۋ كابينەتتەرىندە, ستەريلدەۋ, جاڭا تۋعان نارەستەلەر جانە ءبىر جاسقا دەيىنگى بالالار بولىمشەلەرىندە, سانيتاريالىق-تۇرمىستىق بولمەلەردە, جۋ, بۋفەت, تاراتۋ, اس بلوكتارىندا, كىر جۋاتىن ورىنداردا ۇزدىكسىز جۇمىس ىستەيتىن سۋ جىلىتقىشتار ورناتىلادى.
27. وبەكتىنى كارىزدەلمەگەن جانە ءىشىنارا كارىزدەلگەن ەلدى مەكەندەرگە ورنالاستىرعان جاعدايدا جەرگىلىكتى كارىز جۇيەسى جانە شىعارىلاتىن تازارتۋ جۇيەسى كوزدەلەدى. سارقىندى سۋلاردى قابىلداۋعا ارنالعان سۋ وتكىزبەيتىن ىدىس (ور) قاقپاقپەن جابدىقتالادى, شارۋاشىلىق ايماعىندا ورنالاستىرىلادى جانە كولەمىنىڭ ۇشتەن ەكىسى تولۋىنا قاراي تازارتىلادى.
28. وبەكتىلەردىڭ سارقىندى سۋلارىن تازالاۋ جانە زارارسىزداندىرۋ جالپى قالالىق كارىزدىك تازالاۋ قۇرىلىستارىندا جۇزەگە اسىرىلادى. ينفەكتسيالىق جانە تۋبەركۋلەزگە قارسى ستاتسيونارلاردا (بولىمشەلەردە) جەرگىلىكتى تازارتۋ قۇرىلىستارى كوزدەلۋى قاجەت.
29. ينفەكتسيالىق, تۋبەركۋلەز, تەرى-ۆەنەرولوگيالىق بولىمشەلەردە بوكستاردىڭ, جارتىلاي بوكستاردىڭ شليۋزدەرىندە جانە دارەتحانالاردا پەرسونالعا ارنالعان شىنتاقتى نەمەسە جاناسپاي اعاتىن شۇمەكتەرى بار قول جۋعىشتار ورناتىلۋى قاجەت, سونداي-اق بارلىق دارەتحانالاردا جۋعىش باكتار ءۇشىن پەدالدى اعىزعىش كوزدەلەدى.
30. بالشىقپەن ەمدەۋدىڭ بالشىق ەمشارالارى مەن بالشىق اسۇيلەرى ءۇي-جايلارىنىڭ سارقىندى سۋلارىن اعىزۋ بالشىق تۇندىرعىشتارداعى ارنايى جولدار ارقىلى جۇزەگە اسىرىلادى. گيپس دايىنداۋعا ارنالعان ءۇي-جايلارداعى قول جۋعىشتىڭ استىنا گيپس تۇندىرعىش جابدىقتالادى. گيپس دايىنداۋعا ارنالعان ءۇي-جايلاردا قول جۋعىش استىندا سىيىمدىلىعى 0,1 م3 (بۇدان ءارى - م3) بولاتىن قوندىرعى كوزدەلۋى كەرەك.
31. اس بلوگىنىڭ وندىرىستىك سارقىندى سۋلارىن تازالاۋ ءۇشىن وبەكتىلەردە ماي جيناعىشتار ورناتىلادى.
32. ەدەندەگى سارقىندى سۋعا ارنالعان تراپتار دارەت ىدىستارىن جۋعا جانە دەزينفەكتسيالاۋعا, جيناۋ مۇكاممالىن, اس بلوگىنىڭ نەگىزگى تسەحتارى مەن كىر جۋ ورىندارىن وڭدەۋگە ارنالعان ەڭىسپەن جاراقتاندىرىلادى.
33. سۋ قۇبىرى جانە كارىز جۇيەلەرىنىڭ قۇبىرلارى ۇزىندىعى بويىنشا قاپتارمەن جابىلادى جانە جۋ مەن دەزينفەكتسيالاۋ قۇرالدارىنا ءتوزىمدى ماتەريالدان جاسالادى.
34. وبەكتىلەردىڭ ءۇي-جايلارىندا تابيعي جارىقتاندىرۋ كوزدەلەدى.
35. كوكجيەكتىڭ وڭتۇستىك رۋمبالارىنا باعدارلانعان تەرەزەلەر كۇننەن قورعاۋ قۇرىلعىلارىمەن (كۇنقاعارلار, جاليۋزدەر) جابدىقتالادى.
36. جاساندى جارىقتاندىرۋ بارلىق ءۇي-جايلاردا كوزدەلەدى.
37. توبەلەرگە ورناتىلاتىن جارىقتاندىرۋ شامشىراقتارى تۇتاس (جابىق) پلافوندارمەن جابدىقتالادى.
38. پالاتالاردى جارىقتاندىرۋ ءۇشىن (بالالار مەن پسيحياتريالىق بولىمشەلەردى قوسپاعاندا) ءاربىر توسەكتىڭ جانىنا ەدەن دەڭگەيىنەن 1,7 م بيىكتىككە ورناتىلاتىن, قابىرعاعا ىلەتىن قۇرامداس شامشىراقتار (جالپى جانە جەرگىلىكتى جارىقتاندىرۋ) قولدانىلادى.
39. قويما ءۇي-جايلارىن, سانيتاريالىق توراپتاردى, كليزما, جەكە گيگيەنا بولمەلەرىن, پەرسونالعا ارنالعان سەبەزگى جانە كيىم ىلەتىن ورىن, تەرموستات, ميكروبيولوگيالىق بوكستاردى, وپەراتسيا الدى جانە وپەراتسيالىق, اپپارات, ناركوز بولمەلەرىن, فوتوزەرتحانالاردى جانە پايدالانۋ قاعيدالارى تابيعي جارىقتاندىرۋدى تالاپ ەتپەيتىن باسقا دا ءۇي-جايلاردى ەكىنشى جارىقپەن جارىقتاندىرۋعا نەمەسە جاساندى جارىقتاندىرۋعا عانا جول بەرىلەدى.
40. پالاتالى سەكتسيالاردىڭ (بولىمشەلەردىڭ) دالىزدەرىندە عيماراتتىڭ جانىنداعى قابىرعاسىنداعى جانە جارىق قالتالارىنداعى (حولدارداعى) تەرەزەلەر ارقىلى جۇزەگە اسىرىلاتىن تابيعي جارىقتاندىرۋ بولۋى ءتيىس. جارىق قالتالارى اراسىنداعى اراقاشىقتىق 24 م جانە قالتاعا دەيىن 36 م اسپاۋعا ءتيىس. ەمدەۋ-دياگنوستيكالىق جانە قوسالقى بولىمشەلەردىڭ دالىزدەرى جانىنان جانە بۇيىردەن جارىقتاندىرىلۋى ءتيىس.
41. دەنساۋلىق ساقتاۋ وبەكتىلەرى ءۇي-جايلارىن تابيعي جانە جاساندى جارىقتاندىرىلۋى وسى سانيتاريالىق قاعيدالارعا 1-قوسىمشاعا سايكەس پارامەترلەرمەن بەلگىلەنەدى.
42. دەنساۋلىق ساقتاۋ وبەكتىلەرىنىڭ ءۇي-جايلارىنداعى ميكروكليمات پەن اۋا ورتاسىنىڭ ءتيىمدى جاعدايلارى جەلدەتۋ, اۋا باپتاۋ جانە جىلىتۋ جۇيەلەرىمەن قامتاماسىز ەتىلەدى. سورۋ-سىرتقا تاراتۋدىڭ جەلدەتكىش جۇيەلەرى تازالىق سىنىبىنا سايكەس ءۇي-جايلار توپتارىنا قىزمەت كورسەتەدى.
43. جەلدەتكىش جانە اۋا وتكىزگىشتەردىڭ اۋا باپتاۋ جۇيەلەرىن پروفيلاكتيكالىق تەكسەرۋ, جوندەۋ, مەحانيكالىق سورۋ-سىرتقا تاراتۋ جەلدەتكىشى جانە اۋا باپتاۋ جۇيەلەرىن تازارتۋ جانە دەزينفەكتسيالاۋ بەكىتىلگەن كەستەگە سايكەس جۇرگىزىلەدى.
44. عيماراتتار جاساندى ىسكە قوسىلاتىن سورۋ-سىرتقا تاراتۋ جەلدەتكىش جۇيەلەرىمەن جابدىقتالادى.
ينفەكتسيالىق, ونىڭ ىشىندە تۋبەركۋلەزگە قارسى ستاتسيونارلاردا (بولىمشەلەردە), ءاربىر بوكس پەن جارتىلاي بوكستىڭ پالاتالى سەكتسيالارىندا گراۆيتاتسيالىق ىسكە قوسىلاتىن دەربەس سورۋ جۇيەسى ورناتىلادى. ينفەكتسيالىق بولىمشەلەردە جاساندى ىسكە قوسىلاتىن سورۋ-سىرتقا تاراتۋ جەلدەتكىشى بولماعان جاعدايدا, ءاربىر بوكس پەن جارتىلاي بوكستى اۋانى رەتسيركۋلياتسيالىق تۇردە زارارسىزداندىرۋ قۇرىلعىسىمەن جاراقتاندىرىلعان تابيعي جەلدەتكىشپەن جابدىقتالادى.
45. دەنساۋلىق ساقتاۋ وبەكتىلەرىندە باسشىنىڭ بۇيرىعىمەن اۋانى جەلدەتۋ جانە باپتاۋ جۇيەلەرىن پايدالانۋعا, جەلدەتكىش جۇيەلەرىنىڭ جوسپارلى-پروفيلاكتيكالىق جوندەۋ كەستەسىنىڭ ورىندالۋىنا جاۋاپتى ادام تاعايىندالادى.
46. وپەراتسيالىق ءۇي-جايلاردان باسقا بارلىق ءۇي-جايلاردا مەحانيكالىق ىسكە قوسىلاتىن سورۋ-سىرتقا تاراتۋ جەلدەتكىشىنەن باسقا تابيعي جەلدەتكىش بولۋى ءتيىس.
47. تۋبەركۋلەزگە قارسى ۇيىمنىڭ جەلدەتۋ جانە اۋا باپتاۋ جۇيەلەرى ءۇشىن سىرتتان اۋا جيناۋ جەر بەتىنەن كەم دەگەندە 3 م بيىكتىكتەگى تازا ايماقتان, اۋانى شىعارۋ كەمىندە 2 م بيىكتىكتە جۇرگىزىلەدى.
48. وپەراتسيالىق, ناركوز, بوساندىرۋ بولمەسىنە, رەانيماتسيالىق, وپەراتسيادان كەيىنگى پالاتالارعا, قارقىندى تەراپيا پالاتالارىنا, تەرى كۇيىگى جانە يممۋن تاپشىلىعى بار ونكوگەماتولوگيالىق ناۋقاستارعا ارنالعان پالاتالارعا بەرىلەتىن اۋا تازالاۋ دارەجەسى جوعارى باكتەريتسيدتى اۋا سۇزگىلەرىنىڭ كومەگىمەن زارارسىزداندىرىلادى (كەمىندە 95%).
49. وپەراتسيالىق, قارقىندى تەراپيا, رەانيماتسيا, بوساندىرۋ پالاتالارىندا, ەمشارا, زەرتحانالاردا مەديتسينالىق جابدىقتى پايدالانۋ اۋاعا زياندى زاتتاردى بولۋمەن قوسا جۇرەتىن ءۇي-جايلاردا جەرگىلىكتى سورعى قۇرىلعىسى نەمەسە سورۋ شكافى قوندىرعىسى قاراستىرىلادى. پرەپاراتتاردىڭ ءارتۇرلى بوياۋدىڭ كۇردەلى ادىستەمەلەرىن قولداناتىن زەرتحانالاردا بيولوگيالىق قاۋىپسىزدىك شكافتارى ورناتىلادى.
50. ماسساج كابينەتتەرى ساعاتىنا اۋانى بەس رەت الماستىراتىن سورۋ-سىرتقا تاراتۋ جەلدەتكىشىمەن قامتاماسىز ەتىلەدى.
51. وپەراتسيالىق, ناركوز, بوساندىرۋ بولىمشەلەرىندە, وپەراتسيادان كەيىنگى پالاتالاردا, قارقىندى تەراپيا پالاتالارىندا, ونكوگەماتولوگيالىق ناۋقاستار, جيتس-پەن اۋىراتىن ناۋقاستار, تەرى كۇيىگى بار ناۋقاستار پالاتالارىندا, رەانيماتسيالىق, سونداي-اق جاڭا تۋعان نارەستەلەرگە, ەمشەكتەگى سابيلەرگە, شالا تۋعان بالالارعا, جاراقات العان بالالارعا ارنالعان پالاتالاردا اۋانى باپتاۋ كوزدەلەدى. كيۋۆەزدەرمەن تولىعىمەن جابدىقتالعان پالاتالاردا اۋا باپتاۋعا جول بەرىلمەيدى.
52. ەپيدەمياعا قارسى ەرەكشە رەجيمدى ساقتاۋدى تالاپ ەتەتىن ءۇي-جايلاردا تيىمدىلىگى جوعارى سۇزگىلەر بولعان جاعدايدا سپليت-جۇيەنى پايدالانۋعا جول بەرىلەدى.
53. اۋا الماسۋ جيىلىگى بەلگىلەنگەن تازالىقتى قامتاماسىز ەتۋ ەسەبىنەن جانە اۋانىڭ گاز قۇرامىن ۇستاپ تۇرۋىنا قاراي تاڭدالادى. اۋانىڭ سالىستىرمالى ىلعالدىلىعى 60%, اۋا قوزعالىسىنىڭ جىلدامدىعى سەكۋندىنا 0,15 مەتردەن (بۇدان ءارى - م/سەك) اسپاۋى ءتيىس.
54. اۋا وتكىزگىشتەر, تورلار, جەلدەتكىش كامەرالارى تازا كۇيىندە ۇستالۋى ءتيىس, مەحانيكالىق زاقىمدالماعان, توتىعۋ ىزدەرى, تۇمشالانۋى بۇزىلماعان بولۋى ءتيىس. سورۋ-سىرتقا تاراتۋ جەلدەتكىشىنىڭ (اۋا باپتاۋدىڭ) اۋا وتكىزگىشتەرىنىڭ ءۇي-جايعا اۋا وتكىزگىش ماتەريالىنىڭ, قورعانىش جابىنىنىڭ بولشەكتەرىن شىعارۋدى بولدىرمايتىن ىشكى بەتتەرى بولۋى ءتيىس. ىشكى جابىننىڭ ءسىڭىرۋ قاسيەتتەرىنە يە ەمەس ماتەريالدان جاسالۋى ءتيىس. جەلدەتۋ جۇيەلەرىن تازارتۋ جانە دەزينفەكتسيالاۋ ەمدەۋ مەكەمەسى بەكىتكەن كەستەگە سايكەس جۇرگىزىلەدى.
55. جالپى الماسىمدى سورۋ-سىرتقا تاراتۋ جانە جەرگىلىكتى سورۋ قوندىرعىلارى جۇمىس باستالاردان بەس مينۋت بۇرىن قوسىلادى جانە جۇمىس اياقتالعان سوڭ بەس مينۋتتان كەيىن اجىراتىلادى.
56. بارلىق ءۇي-جايلارعا اۋا جوعارعى ايماققا, ستەريلدى ءۇي-جايلارعا لامينارلىق نەمەسە ءالسىز تۋربۋلەنتتى اعىنمەن 0,15 م/سەك جىلدامدىقپەن بەرىلەدى.
57. جەلدەتكىش جۇيەسىنىڭ جابدىعى سىرتقا تاراتۋ جانە سورۋ جۇيەلەرى ءۇشىن بولەك جانە دارىگەرلەر كابينەتتەرىنە, وپەراتسيالىق بولىمگە, پالاتالارعا جانە ادامدار ۇنەمى بولاتىن باسقا دا ءۇي-جايلارعا جالعاسپايتىن ارنايى ءۇي-جايلاردا ورنالاستىرىلادى.
58. سورۋ جۇيەلەرىنە ارنالعان ءۇي-جايلاردا ءبىر ساعاتتا ءبىر مارتە اۋا الماساتىن سورۋ جەلدەتكىشى, سىرتقا تاراتۋ جۇيەسىنە ارنالعان ءۇي-جايلاردا ەكى مارتە اۋا الماساتىن سىرتقا تاراتۋ جۇيەسى بولۋى ءتيىس.
59. اسەپتيكالىق ءۇي-جايلاردا اۋا وتكىزگىشتەردىڭ, قۇبىرلاردىڭ, ارماتۋرانىڭ جاسىرىن توسەمى جۇزەگە اسىرىلادى.
60. اۆتوكلاۆ, سەبەزگى بار بولمەلەر, دارەتحانالار, سانيتاريالىق بولمەلەر, لاس كيىم-كەشەكتەردى, قالدىقتاردى ۋاقىتشا ساقتاۋعا ارنالعان ءۇي-جايلار جانە دەزينفەكتسيالىق قۇرالداردى ساقتاۋعا ارنالعان قويمالار ۇيىمداستىرىلعان اۋا اعىمىنىڭ قۇرىلعىسى جوق جاساندى ىسكە قوسىلاتىن سورۋ جەلدەتكىشىمەن جابدىقتالادى.
61. سورۋ-سىرتقا تاراتۋ جەلدەتكىشى مەن اۋا باپتاۋدىڭ دەربەس جۇيەلەرى مىنا ءۇي-جايلار ءۇشىن كوزدەلەدى: وپەراتسيالىق بلوكتار, رەانيماتسيا زالدارى مەن قارقىندى تەراپيا پالاتالارى (سەپتيكالىق جانە اسەپتيكالىق بولىمشەلەر ءۇشىن بولەك), بوساندىرۋ زالدارى (بوساندىرۋ پالاتالارى), جاڭا تۋعان نارەستەلەر پالاتالارى, ونكوگەماتولوگيالىق, دياليزدىك, كۇيىك بولىمشەلەرى, تاڭۋ بولمەلەرى, جەكەلەگەن پالاتالىق سەكتسيالار, رەنتگەن كابينەتتەرى.
62. تۋبەركۋلەزگە قارسى ستاتسيونارلاردا (بولىمشەلەردە):
1) جەلدەتۋ جۇيەسى پالاتالاردا ساعاتىنا كەمىندە التى ەسەلىك اۋا الماسۋدى جانە اەروزول قۇرايتىن ەمشارالاردى ورىنداۋعا ارنالعان ءۇي-جايلاردا (قاقىرىق جيناۋ بولمەسى, برونحوسكوپيا) ءيىس تۇرىپ قالعان ايماقتاردىڭ پايدا بولۋىن بولدىرماي ون ەكى ەسەلىك اۋا الماسۋدى قامتاماسىز ەتەدى;
2) روتورلىق نەمەسە پلاستينالىق تۇردەگى رەكۋپەراتورلاردى پايدالانۋعا جول بەرىلمەيدى;
3) قاۋىپتىلىگى جوعارى ايماقتارعا جانە 1-2-سىنىپتاعى بيولوگيالىق قاۋىپسىزدىك شكافتارىنا قىزمەت كورسەتەتىن سورۋ قوندىرعىلارى نەرا-سۇزگىلەردى نەمەسە قارقىندىلىعى جەتكىلىكتى باكتەريتسيدتى ۋلتراكۇلگىن ساۋلەلەنۋدى قولدانۋ ارقىلى اۋانى زارارسىزداندىرۋعا ارنالعان قۇرىلعىلارمەن جابدىقتالادى;
4) قاباتارالىق جەلىلەردى ءبىر تىك كوللەكتورمەن بىرىكتىرۋگە جول بەرىلمەيدى;
5) اۋانى بەرۋگە جانە شىعارۋعا ارنالعان جابدىقتار قاراما-قارسى قابىرعالاردا ورنالاستىرىلادى;
6) ءۇي-جايلاردىڭ جانە شليۋزدەردىڭ بارلىق ەسىكتەرى اۆتوماتتى تۇردە جابىلاتىن قۇرىلعىلارمەن, پالاتالاردىڭ جانە بوكستاردىڭ ەسىكتەرى (ەسىكتىڭ تومەنگى جاعىنان) اۋا كىرۋى ءۇشىن جەلدەتكىش تورلارمەن جابدىقتالادى;
7) كوپتەگەن ءدارى-دارمەككە تۇراقتى ميكوباكتەرياسى بار تۋبەركۋلەزبەن اۋىراتىن ناۋقاستارعا ارنالعان بولىمشەلەردەگى دەربەس سورۋ جەلدەتكىشى ءاربىر پالاتادا گراۆيتاتسيالىق ىسكە قوسىلاتىن جانە دەفلەكتور قوندىرعىسىمەن ورناتىلادى. وسى بولىمشەلەردەگى سورۋ جەلدەتكىشى مەحانيكالىق ىسكە قوسىلاتىن جانە دالىزگە اۋا بەرۋ ارقىلى كوزدەلەدى;
8) سورۋ اۋاسىنىڭ شىعىنى ءبىر توسەككە ساعاتىنا كەمىندە 80 تەكشە مەتر (بۇدان ءارى – م3/ساع) قۇراۋى ءتيىس. باكتەريا بولمەيتىن ناۋقاستارعا ارنالعان پالاتالار سورۋ اۋاسى كولەمىنىڭ 80%-ىن اۋانى سىرتقا تاراتۋ شىعىندايتىن سورۋ-سىرتقا تاراتۋ جەلدەتكىشىمەن جابدىقتالادى;
9) باسپالداق الاڭدارى, ليفت شاحتالارى, كوتەرگىشتەردىڭ دىڭگەكتەرى اۋانى سىرتقا شىعارۋى باسىم دەربەس سىرتقا تاراتۋ جەلدەتكىشىمەن جابدىقتالادى.
63. وبەكتىلەر ورتالىقتاندىرىلعان جىلىتۋ جۇيەسىنە قوسىلادى نەمەسە جەكە جىلۋ كوزىن پايدالانادى.
64. دەنساۋلىق ساقتاۋ وبەكتىلەرى ءۇي-جايلارىنىڭ, ونىڭ ىشىندە كۇندىزگى ستاتسيوناردىڭ تەمپەراتۋراسى, اۋا الماسۋ جيىلىگى, تازالىعى بويىنشا ساناتى وسى سانيتاريالىق قاعيدالارعا 2-قوسىمشادا بەلگىلەنگەن پارامەترلەرگە سايكەس كەلەدى.
65. دەنساۋلىق ساقتاۋ وبەكتىلەرىنىڭ فۋنكتسيونالدىق ماقساتىنا جانە ولاردىڭ تازالىق سىنىبىنا بايلانىستى ءۇي-جايلارداعى اۋا ورتاسىنىڭ باكتەريالىق تۇقىمدالۋىنىڭ رۇقسات ەتىلگەن دەڭگەيلەرى وسى سانيتاريالىق قاعيدالارعا 3-قوسىمشادا بەلگىلەنگەن پارامەترلەرگە سايكەس كەلەدى.
66. اۋاداعى دارىلىك زاتتاردىڭ قاۋىپتىلىك سىنىپتارى ادىستەمەلەرى بولعان جاعدايدا قولدانىلاتىن دارىلىك زاتتاردىڭ اتاۋىنا سايكەس ايقىندالادى.
67. اعىمدىق ىلعالدى دەزينفەكتسيا جاسالاتىن, ىلعالدى جۇمىس رەجيمى بار ءۇي-جايلاردا (وپەراتسيالىق, تاڭىپ-بايلاۋ, بوساندىرۋ, وپەراتسيا الدى, ناركوز بەرەتىن, ەمشارا, مانيپۋلياتسيالىق, ميكوباكتەريالارى كوپتەگەن دارىلەرگە ءتوزىمدى تۋبەركۋلەزبەن اۋىراتىن ناۋقاستارعا ارنالعان ستاتسيوناردىڭ ەگۋ, ءۇي-جايلارى, سونداي-اق ۆاننا, سەبەزگى بولمەلەرى, سانيتاريالىق توراپتار, كليزما جاسايتىن, لاس كيىم-كەشەكتى ساقتاۋعا جانە بولشەكتەۋگە ارنالعان ءۇي-جايلار) قابىرعالارى اشەكەيلى تاقتالارمەن نەمەسە باسقا دا ىلعالعا ءتوزىمدى ماتەريالدارمەن بارلىق بيىكتىگى بويىنشا قاپتالادى.
68. ءۇي-جايلار قابىرعالارىنىڭ, ەدەندەرى مەن توبەلەرىنىڭ بەتتەرى تەگىس, اقاۋسىز, ىلعالدى جۋعا قولايلى جانە جۋ مەن دەزينفەكتسيالاۋ قۇرالدارىمەنوڭدەۋگە ءتوزىمدى ماتەريالداردان جاسالادى.
پانەلدەردى پايدالانعان كەزدە ولاردىڭ كونسترۋكتسياسى تەگىس بەتتى قامتاماسىز ەتەدى.
69. اعىمداعى اقاۋلاردى جويۋ (توبەلەردەگى جانە قابىرعالارداعى سۋ ءوتۋىن, سىز, كوگەرۋ ىزدەرىن جويۋ, جارىق, تەسىك, شۇڭقىرلاردى بىتەۋ, قوپارىلىپ ءتۇسىپ قالعان وڭدەگىش پليتكانى, ەدەن جابىندىلارىنىڭ اقاۋلارىن جانە ت.ب. قايتا قالپىنا كەلتىرۋ) شاپشاڭ جۇرگىزىلۋى ءتيىس.
70. پالاتالاردىڭ, دارىگەرلەر كابينەتتەرىنىڭ, حولداردىڭ, ۆەستيبيۋلدەردىڭ, اسحانالاردىڭ, فيزيوتەراپيالىق, ەمدىك-دياگنوستيكالىق كابينەتتەردىڭ قابىرعالارىن بوياۋ ءۇشىن نيتروبوياۋلاردى قولدانۋعا جول بەرىلمەيدى.
71. ۆەستيبيۋلدەردە ەدەندى جابۋ ءۇشىن مەحانيكالىق اسەرگە ءتوزىمدى ماتەريال, وپەراتسيالىق, ناركوز جاسايتىن, بوساندىرۋ ءۇي-جايلارىندا انتيستاتيكالىق قاسيەتتەرگە يە ماتەريال پايدالانىلادى.
72. ءۇي-جايلاردىڭ ەدەنى سۋ وتپەيتىن, سىڭىرمەيتىن جانە ۋىتتى ەمەس, سىرعاناۋدى بولدىرمايتىن, ولاردى سانيتاريالىق وڭدەۋگە بەيىم ماتەريالداردان جاسالادى.
دەنساۋلىق ساقتاۋ وبەكتىلەرىندە ەدەندەردىڭ لينولەۋم جابىندارىنىڭ اقاۋلارى بولمايدى, نەگىزىنە تىعىز جاپسىرىلعان تەگىس بولىپ تابىلادى.
73. پايدالانىلۋى قابىرعالار مەن قالقالاردى ىقتيمال ىلعالداۋمەن بايلانىستى راكوۆينالار مەن باسقا دا سانيتاريالىق-تەحنيكالىق اسپاپتار, جابدىقتار ورنالاسقان ورىنداردا سوڭعىلارىن ەدەننەن 1,6 م بيىكتىكتە جانە جابدىق پەن اسپاپتىڭ ءار جاعىندا ەنىن 20 سم اسىرماي اشەكەيلى تاقتالارمەن نەمەسە باسقا دا ىلعالعا ءتوزىمدى ماتەريالدارمەن ارلەۋ كوزدەلەدى.
74. دەنساۋلىق ساقتاۋ وبەكتىلەرىندە كۇردەلى جوندەۋ ۋاقىتىندا ناۋقاستاردىڭ بولۋىنا رۇقسات ەتىلمەيدى.
75. ينفەكتسيالىق, تەرى-ۆەنەرولوگيالىق, تۋبەركۋلەزگە قارسى ستاتسيونارلاردا (بولىمشەلەردە), انا مەن بالانى قورعاۋ وبەكتىلەرىندە كىرۋ ەسىكتەرى, باسپالداقتار ناۋقاستاردى قابىلداۋ جانە ولاردان شىعارۋ ءۇشىن بولەك بولۋى قاجەت.
76. ناۋقاستارعا ارنالعان پالاتالاردىڭ, ەمدەۋ-دياگنوستيكالىق جانە ەمشارا كابينەتتەرىنىڭ جانىنا شۋ مەن ءدىرىل كوزى بولىپ تابىلاتىن مەديتسينالىق جانە ينجەنەرلىك جابدىقتى ورناتۋعا جول بەرىلمەيدى. دەنساۋلىق ساقتاۋ وبەكتىلەرىنىڭ ءۇي-جايلارىنداعى شۋدىڭ رۇقسات ەتىلەتىن دەڭگەيى وسى سانيتاريالىق قاعيدالارعا 4-قوسىمشامەن نورمالانادى.
77. وبەكتىلەردە ناۋقاستار مەن پەرسونال ءۇشىن بولەك دارەتحانالار كوزدەلۋى ءتيىس.
78. سوماتيكالىق اۋرۋحاناداعى پالاتالى بولىمشەلەردىڭ ناۋقاستارىنا ارنالعان سانيتاريالىق اسپاپتار (شۇمەكتەر, راكوۆينالار, ۆاننالار, ۋنيتازدار, پيسسۋارلار) سانى, ەگەر ولار پالاتالاردا قاراستىرىلماعان بولسا, ەرلەردىڭ سانيتاريالىق تورابىندا ون بەس ادامعا ءبىر اسپاپ, ايەلدەردىڭ سانيتاريالىق تورابىندا ون ادامعا ءبىر اسپاپ ەسەبىنەن قابىلدانادى. ەرلەر دارەتحاناسىنداعى پيسسۋارلار سانى ۋنيتازدار سانى بويىنشا قابىلدانادى.
ايەلدەر پالاتالى سەكتسيالارىنىڭ سانيتاريالىق توراپتارى ارالاستىرعىش ارقىلى ىستىق جانە سالقىن سۋ كەلتىرىلگەن راكوۆينامەن, سەبەزگى كابيناسىمەن نەمەسە ۆاننامەن, ۋنيتازبەن جانە بيدەمەن جابدىقتالادى.
79. پەرسونالعا ارنالعان سانيتاريالىق-تۇرمىستىق ءۇي-جايلاردا:
1) ءار بولىمشەدە سانيتاريالىق اسپاپتار سانى ايەلدەر ءۇشىن كەمىندە ءبىر اسپاپ جانە ەرلەر ءۇشىن ءبىر اسپاپ;
2) ينفەكتسيالىق جانە تۋبەركۋلەزگە قارسى ستاتسيونارلاردا (بولىمشەلەردە) ون ادامعا ءبىر سەبەزگi كابيناسى, ورتا جانە كىشى پەرسونالدىڭ نەعۇرلىم كوپ اۋىسىمىندا جۇمىس ىستەيتىن باسقا بولىمشەلەردە ون بەس ادامعا كەمىندە ءبىر سەبەزگى كابيناسى كوزدەلۋى قاجەت. پەرسونال سانى از بولعان جاعدايدا ءبىر بولىمشەگە ءبىر سەبەزگi كابيناسى بولۋى ءتيىس.
80. وپەراتسيالىق بلوكتاردا (بولىمشەلەردە) ىشكى ءۇي-جايلاردى قاتاڭ تۇردە ايماقتارعا ءبولۋ (ستەريلدى ايماق, قاتاڭ رەجيم ايماعى, «لاس» ءۇي-جايلار ايماعى) قامتاماسىز ەتىلەدى. وپەراتسيالىق بلوكتى باسقا ەمدەۋ كورپۋستارىنا ورنالاستىرعان كەزدە جىلىتىلعان وتپەلەر كوزدەلۋى قاجەت. كەزەك كۇتتىرمەيتىن حيرۋرگياعا ارنالعان وپەراتسيالىق بولىمشەلەردى قابىلداۋ بولىمشەلەرىنىڭ قۇرامىندا ورنالاستىرۋعا بولادى.
81. وپەراتسيالىق بلوكتاردى ءبىرىنىڭ ۇستىنە ءبىرىن ورنالاستىرعان كەزدە سەپتيكالىق وپەراتسيالىق بلوكتار اسەپتيكالىقتان جوعارى ورنالاستىرىلادى.
82. وپەراتسيالىق بلوكتار (بولىمشەلەر) ءارى-بەرى وتەتىن جولدا بولماۋى ءتيىس. پەرسونالدىڭ كىرۋى سانيتاريالىق وتكىزگىشتەر ارقىلى, ناۋقاستار ءۇشىن شليۋزدەر ارقىلى كوزدەلەدى.
83. پەرسونالعا ارنالعان سانيتاريالىق وتكىزگىشتەر ءۇش كورشىلەس ءۇي-جاي قۇرامىندا جوبالانادى. ءبىرىنشى ءۇي-جاي سەبەزگىمەن, سانيتاريالىق توراپپەن جابدىقتالادى. ەكىنشى ءۇي-جاي تازا حيرۋرگيالىق كوستيۋمدەر, اياق كيىمدەر, باحيلالار كيۋ ءۇشىن پايدالانىلادى. وپەراتسيا وتكىزگەننەن كەيىن پەرسونال ءۇشىنشى ءۇي-جاي ارقىلى پايدالانىلعان كيىم-كەشەكتى جيناۋعا ارنالعان سانيتاريالىق وتكىزگىشكە قايتا ورالادى.
84. وپەراتسيالىق بلوكتا (بولىمشەدە) مىناداي اعىنداردىڭ قوزعالىسى كوزدەلۋى كەرەك: «ستەريلدى» (وپەراتسيا جاسايتىن جانە اسسيستەنت بولاتىن حيرۋرگتەر, وپەراتسيالىق مەيىربيكە), «تازا» (انەستەزيولوگتار, كىشى جانە تەحنيكالىق پەرسونال, ناۋقاستى, تازا كيىم-كەشەكتى, ءدارى-دارمەكتەردى جەتكىزۋ), «لاس» (مەديتسينالىق قالدىقتاردى, پايدالانىلعان كيىم-كەشەكتى, تاڭۋ ماتەريالىن شىعارۋ).
85. اسەپتيكالىق بولىمشەلەردى (بلوكتاردى) قاتەرلى ىسىكپەن اۋىراتىن ناۋقاستاردى قارقىندى حيميالىق ەمدەۋمەن, الدىن الا يممۋندىق-دەپرەسسيۆتىك ەمدەۋ فونىندا سۇيەك كەمىگى مەن باسقا دا اعزالاردى ترانسپلانتتاۋمەن, ءجىتى ساۋلە اۋرۋلارىمەن, اگرانۋلوتسيتوزبەن, يممۋن تاپشىلىعى جاعدايىندا وتەتىن اۋرۋلارمەن اۋىراتىن ناۋقاستاردى ەمدەۋمەن اينالىساتىن دەنساۋلىق ساقتاۋ وبەكتىلەرىندە ۇيىمداستىرادى.
86. اسەپتيكالىق بولىمشەلەرگە (بلوكتارعا) مىنالار كىرەدى: دارەتحاناسى, ۆانناسى نەمەسە سەبەزگىسى بار پالاتالار, ەمشارا قابىلداۋ بولمەسى, دارىگەر كابينەتى, بۋفەت, ستەريلدى ماتەريالدى ساقتاۋعا ارنالعان ءۇي-جاي جانە بولىمشەنىڭ بەيىنىنە بايلانىستى باسقا دا ءۇي-جايلار.
87. اسەپتيكالىق رەجيمى بار بولىمشەلەردە, ساۋلەلىك دياگنوستيكا جانە تەراپيا بولىمشەلەرىندە, تەحنولوگيالىق اينالىمى جابىق بولىمشەلەر: زەرتحانا, اس بلوگى, ورتالىقتاندىرىلعان ستەريلدەۋ بولىمشەلەرى (بۇدان ءارى – وسب), ءدارىحانا, كىر جۋاتىن ورىن ءارى-بەرى وتەتىن جولدا بولماۋى ءتيىس.
88. قان قىزمەتى ۇيىمدارىندا وندىرىستىك ءۇي-جايلار «تازا» جانە «لاس دەپ ەسەپتەلەتىن» اعىنداردىڭ قيىلىسۋىن بولدىرمايتىن تەحنولوگيالىق جۇيەلىلىكتى ساقتاي وتىرىپ, فۋنكتسيونالدىق بلوكتار بويىنشا جوبالانادى.
89. قان كومپونەنتتەرىن دايىنداۋعا ارنالعان ءۇي-جايلار قاتاڭ تۇردە ماقساتىنا بايلانىستى پايدالانىلۋى ءتيىس. وسى ءۇي-جايلارعا كىرۋ پەرسونال ءۇشىن شەكتەلەدى.
90. وندىرىستىك جانە زەرتحانالىق ءۇي-جايلار باسقا ءۇي-جايلاردان بولەك ورنالاستىرىلادى, ارنالعان ماقساتتاردا عانا پايدالانىلادى جانە سانكتسيالانعان رۇقساتى بولادى.
91. قاندى جانە قان كومپونەنتتەرىن ساقتاۋ جانە تاسىمالداۋ ءۇشىن مىناداي «سالقىنداتۋ تىزبەگىنىڭ» شارتتارى ساقتالادى:
1) قان ونىمدەرىن ساقتاۋ جانە جەتكىزۋ شارتتارىن قامتاماسىز ەتەتىن توڭازىتۋ جابدىعى – تەرموكونتەينەرلەر, اۆتورەفريجەراتورلار;
2) ءتيىستى تەمپەراتۋرانى ساقتاۋعا, ءونىمدى فيزيكالىق زاقىمدانۋدان جانە ميكروبيولوگيالىق لاستانۋدان ساقتاۋعا مۇمكىندىگى بار قاپتاما;
3) بارلىق كەزەڭدەردە تەمپەراتۋرالىق رەجيمنىڭ ساقتالۋىن تۇراقتى باقىلاۋ.
92. قان الۋ اسەپتيكا قاعيدالارىن ساقتاۋ ارقىلى جۇرگىزىلەدى.
93. جىلجىمالى مەديتسينالىق وبەكتىنىڭ قۇرامىندا مەديتسينالىق جانە قىزمەت كورسەتەتىن پەرسونالعا ارنالعان جاتىن بولمەلەر, سانيتاريالىق تۇرمىستىق ءۇي-جايلار, تاماق دايىنداۋعا جانە ىشۋگە ارنالعان ءۇي-جايلار (اس ءۇي, اسحانا) كوزدەلەدى.
94. ارنايى مەديتسينالىق جابدىق ورناتىلعان جەرلەردە بەكىتكىشتەر كوزدەلەدى.
95. قىزمەت كورسەتەتىن پەرسونالعا ارنالعان جاتىن ءۇي-جايلار ۇيىقتايتىن سورەلەرمەن, كيىمدەرگە ارنالعان ىلمەكتەرمەن, جوعارى سورەگە كوتەرىلۋ ءۇشىن باسپالداقتارمەن, قوسالقى تۇتقالارمەن, ۇستەلشەلەرمەن جابدىقتالادى. توڭازىتقىش جابدىعى, قىسقا تولقىندى پەش, ديسپەنسەرلەر كوزدەلەدى.
96. مەديتسينالىق كابينەتتەر شالقايمالى ۇستەلمەن, جىلجىمالى شكافتارمەن, دارىگەر ۇستەلىمەن, كەڭسە كرەسلوسىمەن, مەديتسينالىق كۋشەتكامەن, مەديتسينالىق اپپاراتۋرامەن جابدىقتالادى.
97. كابينەتتەر ارالاستىرعىشتار ورناتىلعان شىنتاقتى كراندارى مەن سۋ اعاتىن قۇرالدارى بار راكوۆينالارمەن جابدىقتالادى. ارقىلى ىستىق جانە سۋىق سۋ كەلتىرىلگەن قول جۋعىشتار ورناتىلادى.
98. سانيتاريالىق توراپ تۇرمىستىق ارالاستىرعىشپەن, اينامەن, سابىن سالعىشپەن, دارەتحانا قۇرالدارىنا ارنالعان شاعىن سورەمەن, سۇلگى ۇستاعىشپەن, كيىمدەرگە ارنالعان ىلمەكتەرمەن, دارەتحانا قاعازىن ۇستاعىشپەن, ۋنيتازعا ارنالعان قىل ششەتكامەن, ەدەنگە توسەيتىن سىرعانامايتىن جابىنمەن جابدىقتالادى.
99. جىلجىمالى مەديتسينالىق وبەكتىدە توبەگە ىلىنەتىن مونوبلوكتى اۋا باپتاۋ جۇيەسى كوزدەلەدى.
100. ستاتسيونارلىق كومەك كورسەتەتىن بارلىق وبەكتىلەردەگى پالاتالى بولىمشەلەر ءارى-بەرى وتەتىن جولدا بولماۋى ءتيىس.
101. كۇندىزگى ستاتسيونار جەكە بلوكتا ورنالاستىرىلادى جانە مىناداي ءۇي-جايلار جيىنىن قامتيدى: كۇتۋ ايماعى 10,0 شارشى مەتر (بۇدان ءارى - م2), دارىگەر كابينەتى 10,0 م2 , ەمشارا كابينەتى 10,0 م2, ەرەسەك ادام ءۇشىن ءبىر توسەككە 6,0 م2 , بالا ءۇشىن 4,5 م2 ەسەبىنەن كۇندىز بولاتىن پالاتالار, سانيتاريالىق توراپ.
102. پالاتالاردا توسەكتەر الاڭعا قاتاڭ سايكەستىكپەن ورناتىلادى.
103. انا مەن بالانى قورعاۋ وبەكتىلەرىندە, كوپ بەيىندى اۋرۋحانالاردىڭ حيرۋرگيالىق بولىمشەلەرىندە, ينفەكتسيالىق اۋرۋلار ستاتسيونارلارىندا (بولىمشەلەرىندە) بولىمشەلەردى ايماقتارعا ءبولۋدى قامتاماسىز ەتۋ قاجەت. بالالار ەمحاناسىن ەرەسەكتەرگە ارنالعان ەمحانامەن ءبىر عيماراتتا ورنالاستىرۋعا جول بەرىلەدى, بۇل رەتتە, بالالار ەمحاناسىنىڭ جەكە سىرتقى كىرە بەرىسى بولۋى قاجەت.
104. ەكستراكورپورالدى ۇرىقتاندىرۋ بولىمشەسىنىڭ قۇرامى مەن الاڭى تەحنولوگيالىق پروتسەسپەن جانە مەكەمەنىڭ قۋاتىمەن ايقىندالادى.
105. گينەكولوگيالىق, بوساندىرۋ بولىمشەلەرىنىڭ قابىلداۋ بولىمشەلەرى جانە بالالار ستاتسيونارىنىڭ قابىلداۋ بولىمشەسى كيىم ىلەتىن ورنى مەن سەبەزگىسى بار پەرسونالعا ارنالعان سانيتاريالىق وتكىزگىشتەرمەن جابدىقتالادى.
106. جەكە بوساندىرۋ پالاتاسى سۇيىق سابىنمەن, انتيسەپتيكپەن, ءبىر رەت پايدالانىلاتىن سۇلگىمەن, قول جۋ تەحنيكاسى بويىنشا قابىرعالىق كورنەكى قۇرالمەن, كىلەمشەمەن, دوپپەن, شۆەد شكافىمەن قامتاماسىز ەتىلەدى. پالاتالاردا ىلعالدى جيناۋعا بولاتىن زاتتاردى قولدانعان جاعدايدا ەركىن ينتەرەرگە, انا مەن بالا ءۇشىن ءوزىنىڭ تازا كيىمىن پايدالانۋعا جول بەرىلەدى.
107. بوساندىرۋ پالاتاسىندا اۋانىڭ تەمپەراتۋراسى كەمىندە +250س بولۋى ءتيىس. مەرزىمىنەن بۇرىن بوسانۋ كەزىندە بوسانۋ زالىنداعى اۋانىڭ تەمپەراتۋراسى كەمىندە +280س قامتاماسىز ەتىلەدى.
108. بوسانعاننان كەيىنگى بولىمشەنىڭ پالاتالارى تسيكلمەن, كەمىندە بەس كۇن بولۋدان اسپايتىنداي ەتىپ تولىقتىرىلۋى ءتيىس, ءۇي-جايدىڭ تەمپەراتۋراسى كەمىندە 250س بولۋى ءتيىس.
109. انا مەن بالا بىرگە بولاتىن پالاتادا جاڭا تۋعان نارەستەلەر ءۇشىن جەكە بالالار توسەكتەرى جانە جاڭا تۋعان نارەستەلەرگە ارنالعان ق
• 21 ءساۋىر, 2016
قازاقستان رەسپۋبليكاسى ۇلتتىق ەكونوميكا مينيسترلىگىنىڭ بۇيرىعى №127
سوڭعى جاڭالىقتار
قازاق سپورتشىلارى شاڭعىمەن تۇعىردان سەكىرۋدەن وليمپيادانىڭ فينالىنا شىعا المادى
وليمپيادا • بۇگىن, 00:15
شىمكەنتتە جوق پاتەرلەردى جالعا بەرگەن ايەل ۇستالدى
وقيعا • كەشە
ەلىمىزدىڭ 17 وڭىرىندە داۋىلدى ەسكەرتۋ جاريالاندى
اۋا رايى • كەشە
مەكتەپتە نەگە بالالاردىڭ پىكىرى ەسكەرىلمەيدى؟
مەكتەپ • كەشە
ەلىمىزدە ايەلدەرگە زورلىق-زومبىلىق كورسەتۋگە قارسى ناۋقان باستالدى
قازاقستان • كەشە
تاعزىم • كەشە
سوڭعى ەكى ايدا ەلىمىزگە قانشا ادام كوشىپ كەلدى؟
قازاقستان • كەشە
ەلەنا رىباكينا WTA رەيتينگىندە ءوز ورنىن ساقتاپ تۇر
تەننيس • كەشە
مادەنيەت • كەشە
